விஜய்,
அஜித், சூர்யா என தமிழிலில் உள்ள முன்னணி
நடிகர்களுடன் டூயட் பாடியவர் தமன்னா. அஜித்துடன் நடித்த வீரம் படத்துக்குப் பிறகு
வேறு படங்களில் நடிக்காமலிருந்த தமன்னா விரைவில் சூர்யாவுடன் நடிக்க உள்ளார்.
இந்தத்
தகவலை தமன்னாவே ஹைதராபாத்தில் செய்தியாளர்களிடம் தெரிவித்தார். தமிழ், தெலுங்கு படங்களை ஒதுக்கிறீர்களா? என்ற கேள்விக்கு
நான் எந்த படங்களையும் ஒதுக்கவில்லை. தமிழில் சூர்யா ஜோடியாக நடிக்க
ஒப்பந்தமாகியுள்ளேன்.
தெலுங்கில் பாகுபலி,
ஆகடு படங்களில் நடிக்கிறேன் என்றார். அஞ்சான் படத்தை அடுத்து சூர்யா
வெங்கட்பிரபுவின் மாஸ் படத்தில் நடித்து வருகிறார்.
இந்த படத்தில் நயன்தாரா,
எமி ஜாக்சன் நடிக்கின்றனர். அதையடுத்து அவர் விக்ரம் இயக்கத்தில்
நடிப்பார் என பேச்சு உள்ளது.