தனுஷ் நடித்த பொல்லாதவன், ஆடுகளம் படங்களை இயக்கியவர் வெற்றிமாறன். இதில் ஆடுகளம் படத்திற்கு தேசிய விருதும் கிடைத்தது. ஆனால் அப்படம் 2011ல் வெளியான பிறகு இதுவரை வெற்றிமாறனின் இயக்கத்தில் எந்த படமும் திரைக்கு வரவில்லை. மாறாக, தனது க்ரீன் ரூப் நிறுவனம் மூலம் படங்களை தயாரித்துக்கொண்டு வந்தார்.
இந்த நிலையில், கடந்த சில மாதங்களாக தனுஷ்-பார்த்திபன் நடிப்பில் சூதாடி
என்ற படத்தை இயக்கிக்கொண்டிருக்கிறார். விரைவில் அப்படத்தின் படப்பிடிப்பு முடிந்து
விடும் என்கிறார்கள். இதற்கிடையே அட்டகத்தி தினேஷை வைத்தும் ஒரு படம் இயக்கும் முயற்சியில் இறங்கியிருக்கிறார் அவர்.
இதற்கான போட்டோ செஷன் வேலைகள் முடிந்து விட்ட நிலையில் விரைவில் படப்பிடிப்பு தொடங்குகிறதாம். இந்த
படத்திற்கு குற்றவாளி என பெயர் வைத்துள்ளாராம் வெற்றி மாறன்.
மேலும், அட்டகத்தி, குக்கூ படங்களைத் தொடர்ந்து திருடன்
போலீஸ் படத்தில் நடித்துள்ள தினேஷ், தற்போது வாராயோ வெண்ணிலாவே, தமிழுக்கு எண் ஒன்றை
அழுத்தவும் போன்ற படங்களில் நடித்துக்கொண்டிருக்கிறார். அதனால்
இந்த படங்களை முடித்ததும் அவர் வெற்றிமாறன் இயக்கும் படத்தில் நடிப்பார் என்று
தெரிகிறது.
No comments:
Post a Comment